पोखरादेखि पश्चिम क्षेत्रमा ८ रेक्टर स्केल माथिको भुकम्प जानसक्ने बेलायती भुगर्वविद्को चिन्ता​

- खसोखास / काठमाडौं

        बैशाख १२ को महाभुकम्प र बैशाख २९ को शक्तिशाली भुकम्पपछि पोखरादेखि पूर्व केन्द्रबिन्दु बनाएर ठूला भुकम्प जाने सम्भावना कम भएपनि पोखरादेखि पश्चिम केन्द्र बिन्दु बनाएर भुकम्प जाने सम्भावनाप्रति भुगर्वविदहरुले चासो व्यक्त गरेका छन् । बेलायती भुगर्वविद् डाक्टर जोन एलियटले बीबीसीसँग कुराकानी गर्दै नेपालको पश्चिमी क्षेत्रलाई केन्द्रबिन्दु बनाएर १५ औं शताब्दीदेखि भुकम्प नगएकाले पोखरादेखि पश्चिमलाई केन्द्र बिन्दु बनाएर ८ रेक्टर स्केल भन्दा माथिको भुकम्प जानसक्ने चिन्ता व्यक्त गरेका छन् । यसैबीच बीबीसीसँग कुरा गर्दै अमेरिकी भुगर्विय सर्वेक्षणका डाक्टर सुसान हगले नेपालमा गएका दुईवटा ठूला भुकम्पपपछि मध्य नेपालको जमिन डेढ मिटर माथि उठेको जानकारी दिएकी छन् । 

       यतिबेला खसोखासका प्रधानसम्पादक किशोर पन्थी भुकम्प प्रभावित क्षेत्रमा पुगेर समाचार संकलन गरिरहनुभएको छ । हामी त्यसको नियमित अपडेट खसोखासको फेसबुक पेजमार्फत पनि गराइरहेका छौं । 

---

Published on : 13 May 2015

खसोखास बाट साभार