जनकपुर - २०७१ चैत ९ गते । नेकपा माओवादीका संयोजक मातृका यादवले मुलुकमा गणतन्त्र यस्थापित गराउने जनमुक्ति सेनालाई प्रचण्डले शान्ति प्रक्रियाको नाममा विक्रि गरिनु माओवादीको लागि दुर्भाग्य रहेको बताए । एमाओवादी मिथिला मधेश राज्य समितिद्वारा जनकपुरधाममा आयोजना गरिएको शहिद अजवलाल यादवको १३औं स्मृति दिवसको अवसरमा आयोजित कार्यक्रममा बोल्दै शान्ति प्रकृयाको नाममा जनमुक्ति सेना राज्यलाई बुझाएर क्रान्तकारीहरुलाई अध्यक्ष प्रचण्डले धोका दिएको बताए ।
अब त्यही सरकारबाट धोका पाएपछि क्रान्तकारीहरुलाई खोज्दै हिडेका छन् र भन्दैछन् कि जनमुक्ति सेना बुझाएर धेरै ठूलो धोका भयो, नेता यादवले भने, शुरुमा गल्ति गर्ने र अहिले आएर पश्चाताप गर्नुको कुनै तुक छैन ।’
एमाओवादीका नेता डा.बाबुराम भट्राई प्रमुख अतिथि रहेको सो कार्यक्रममा उनले शहिदको सपना पुरा गर्न माओवादीहरुबीच एकता हुन लागेको हो तर खाओवादी, बइमान र भ्रष्टहरुसित एकता कदापि नहुने बताए । एकताको नाममा कतिपय माओवादीलहरु फाइदा लिन खोजिरहेको बताउँदै त्यसबाट सजग रहेर एकताको प्रकृया अगाडि बढाउने बताए ।
एमाओवादीका वरिष्ठ नेता डा.बाबुराम भट्टराइले सहमतिबाट संविधान नबनाई बलजफ्ती प्रकृयाबाट सविधान बनाए मुलुक मुठभेडमा जाने बताएका छन् ।
डा. भट्टराईले जनयुद्ध, जनआन्दोलन, मधेश आन्दोलन लगायतका आन्दोलनहरुको मर्म र मुद्दाको सम्वोधन नहुनु र संविधान न बन्नु नै राष्ट्रका लागि दुर्भाग्यपूर्ण र लाजमर्दो कुरो रहेको बताए ।
एक तिहाई मधेशी, हिमाली पहाडी क्षेत्रका जनजाती, उत्पीडित, शोषित, उपेक्षित, पिछडावर्ग, महिला, दलित, जनजातीलगायतको हक अधिकार नयाँ बन्ने संविधानमा सुनिश्चित नभएसम्म संघर्ष जारी रहने बताउँदै उनले दुई सय वर्ष पुरानो नेपालको भगौलिक र राजनैतिक पुरातनवादी समरचनाले यी समुदायहरुको समानुपातिक प्रतिनिधित्व हुन नसकेको बताए । सबै समुदायको समानुपातिक प्रतिनिधित्वका लागि पुरानो संरचना भत्काउनु पर्ने कुरामा जोड दिए ।
मिथिला राज्य समितिका अध्यक्ष ,केन्द्रिय सदस्य विश्वनाथ साहको सभापतित्वमा भएको सो कार्यक्रममा मधेश व्यूरो इन्चार्ज रामचन्द्र झा, शहिद अजवलाल यादवकी पत्नी पूर्व सांसद शिला यादव, केन्द्रिय सदस्यहरु रामरिझण यादव, रामकुमार शर्मा, अरविन्द कुमार साह, केशव ढुंगेल, रामचन्द्र मण्डल, कालमुद्धिन राइन, अब्दुल हलिम राइन र सभासद् रामसिंह यादव लगायतका नेताहरुले धारणा राखेका थिए ।
No comments:
Post a Comment