प्रचण्डको पैसाले त्यतातिर प्रलय

काठमाडौं । संसारभरका जति पनि कम्युनिस्ट आन्दोलन विघटन र पतन भए, पैसा, सत्ता र यौनको खेलो मुख्य कारक बनेको देखिन्छ । क्रान्तिकारी आन्दोलनबाट आएको पार्टीका केही नेताको स्वच्छन्द विलासिताले पार्टी नै छियाछिया हुने गरेको अन्तर्राष्ट्रिय नजिर हुबहु नेपालमा पनि प्रकट हुन थालेको छ । दुई वर्षअघि एमाओवादीबाट फुटेर बनेको नेकपा–माओवादीका मुख्य नेतृत्वले प्रचण्ड शैलीमा गद्धारीको बाटो समातेको भन्दै विप्लवपक्षीय कार्यकर्ता नेतृत्वविरुद्धको संघर्ष चर्काउनुपर्ने निष्कर्षमा पुगेका छन् । जनयुद्ध सुरु हुनासाथ पम्फा भुसालसँग यौनसम्बन्ध राखेर कारबाही भोगेका रामबहादुर थापा ‘बादल’ एमाओवादी फुटाउने बेला चर्को क्रान्तिकारी कुरा गर्थे । अहिले भने तिनै प्रचण्डसँग दसैँ खर्च लिएर गुजारा चलाउन थालेका छन् ।

एमाओवादी नेताका अनुसार दसैँको केही दिनअघि अब एउटै पार्टीमा हुने भइहालियो, विप्लवहरूलाई चन्दा उठाउन रोक्दा आफ्नै खर्च चलाउन गाह्रो भयो, अलिकति सहयोग गर्नुप¥यो भनेर प्रचण्डसँग रोइकराइ गरेपछि बादललाई एमाओवादीले पाँच लाख रूपैयाँ दिएको छ । पेन्सनप्राप्त लाहुरेको जस्तो दिउँसो सुत्ने र राति उठ्ने बेलामा नियमित मापसे गर्ने गरेका बादलकै बहुलट्ठीका कारण तत्कालीन प्रधानसेनापति रुक्मांगद कटवालसँग लफडा भएको र त्यसले माओवादीलाई घाटा पुगेको प्रचण्डले पटक–पटक बताउँदै आएका छन् । प्रचण्डलाई कुनै बेला दिनको तीनचोटि गद्दार र दलाल भनेर गाली गर्ने गरेका उनी अहिले तिनै गद्धार भनिएका प्रचण्डसँग पैसा लिएर जीविका चलाउन थालेका छन् । प्रचण्डसँग मिलेर चितवनको सहिद स्मृति भवन र जग्गा बेच्न खोजेपछि ताम्सालिङका नेता–कार्यकर्ताले त्यसको भण्डाफोर गरेलगत्तै बादलले भण्डाफोरको नेतृत्व गर्ने अनिल शर्मा विरहीमाथि कारबाहीको एकल वक्तव्य जारी गरेका थिए । एमाओवादीको चुनावी ऋण तीन करोड तिर्ने र बाँकी बादलले लिने सहमतिबमोजिम मिलेर उक्त जमिन बेच्ने सहमति भएको एक एमाओवादी नेताले जानकारी दिएका छन् ।

विरहीमाथिको कारबाहीलाई विप्लव पक्षले खारेज गरेपछि उत्तेजित भएका बादलले असोज ९–१२ सम्म चलेको पोलिटब्युरो बैठकमा विरहीमाथि गरिएको कारबाही विवरण पढेर अनुमोदनका लागि अनुरोध गरेका थिए । विप्लवले आफूहरू कारबाही स्विकार्न तयार नरहेको र बहुमतका आधारमा कारबाहीको निर्णय गरेर जान चुनौती दिएका थिए । विप्लवको चुनौतीपछि बादलले बहुमतका आधारमा विरहीमाथि कारबाहीको निर्णय गराउन सकेनन् । महासचिव आफैँले गरेको कारबाही बैठकबाट अनुमोदन गराउन नसकेपछि उनले राजीनामा दिनुपर्ने विप्लव पक्षले माग गरेको छ । संविधानसभा निर्वाचन बहिष्कारका बेला पार्टी नीतिविपरीत चुनावमा मतदान गर्न विज्ञप्ति जारी गर्ने सूर्य सुवेदी पथिकलाई बादलले नै बचाउ गरेका थिए । कमलादी महाधिवेशनका बेला पम्फाले २५ लाख चन्दा हिनामिना गरेको र देव गुरुङले पनि गाडी किन्न २५ लाख रकम लगेको भन्दै केन्द्रीय समिति बैठकमा गुरुङको जोडी नै अघिल्लो संविधानसभा सदस्य भएर आएको पैसा कहाँ गयो भनेर प्रश्न उठेपछि बादलपक्ष मौन भएको थियो । प्रचण्डबाट पैसा लिएकोबारे बैठकमा कुरा उठ्दासमेत बादल टाउको निहु¥याएर मौन बसेका थिए ।

असोजको पोलिट्ब्युरो बैठकमा गुणराज लोहनी, ऋषिराज बराल, अनिल शर्मा विरही, ओमप्रकाश पुन, सुदर्शन मंगोल, मौसमलगायत नौ नेता–कार्यकर्तालाई कारबाहीको प्रस्ताव गरिएपछि विप्लवले पोलिटब्युरोले के निर्णय गर्ने हो गरे हुन्छ, तत्काल केन्द्रीय समिति बैठक बोलाइयोस् भनेर बैठकबाट बाहिरिएका थिए । एक वर्षभित्र महाधिवेशन गर्ने भनिए पनि बादलले त्यसमा बखेडा झिकेपछि महाधिवेशनको मिति तय हुन सकेको छैन । किरण र विप्लवले महाधिवेशनमा जाऔँ, त्यहाँ जसको बहुमत हुन्छ उसैको विचार बोकेर जनतामा जाऔँ भनेपछि बादलले सिद्धान्तमा अल्पमत÷बहुमत मानिन्न भनेर महाधिवेशनको मिति घोषणा गर्न अवरोध गरेका थिए । विप्लवले ०४८ सालमा पनि अल्पमत÷बहुमतकै आधारमा विचारको निक्र्याेल भएको बताएपछि नाजवाफ भएका बादल महाधिवेशन गरेर विप्लवको विचार मान्नुभन्दा एकता गरेर एमाओवादीमा जान इच्छुक देखिएपछि विवाद उत्कर्षमा जान थालेको उनी पक्षकै नेताहरूले बताएका छन् ।

माओवादी अध्यक्ष किरणले विद्यार्थीका उपाध्यक्ष पूर्ण सिंहलाई दुई लाख उठाएकोबारे निवासमै बोलाएर स्पष्टीकरण सोधेका थिए । किन उठाएको पैसा भनेर किरणले सोधेपछि, संगठन चलाउन तपाईंले पैसा नदिएपछि पैसा नउठाएर के गर्ने भन्दै उल्टै प्रश्न गरेका थिए । त्यसपछि किरणले सोधे–पैसा कहाँ गयो ? सिंहले पैसा पार्टीलाई दिएको बताएपछि किरणले उत्तेजित भएर ‘म पार्टीको अध्यक्ष, मै हो पार्टी भन्या, खोइ पैसा भनेर सोधेपछि सिंहले पार्टीमा तपार्इं मात्रै हुनुहुन्न, पार्टी तपार्इंको मात्रै होइन, विप्लव दाइलाई दिएको छु भनेर निस्किएको किरणनिकट स्रोतले बतायो ।

http://janaaasthanews.com.np  बाट साभार